ରବିବାର ସନ୍ଧ୍ୟା ସମୟରେ ପାଟପୁର ଥାନାର ଏସ ଆଇ ଶ୍ରୀନିବାସ ଦାସ, ଏ ଏସ ଆଇ ପରମେଶ୍ବର ମାଲିକ ଷ୍ଟାଫଙ୍କ ସହ ପେଟ୍ରୋଲିଙ୍ଗ କରୁଥିବା ସମୟରେ ଗୋଟିଏ ଧୋବଜା ବୋଝେଇ ଟ୍ରକ୍ରୁରୁ ୧୭ ଗୋଟି ବସ୍ତା ଗଞ୍ଜେଇ ସହିତ ଡ୍ରାଇଭରଙ୍କୁ ଗିରଫ କରିଛି ପାଟପୁର ପୋଲିସ l ସୂଚନା ଅନୁସାରେ ଗଞ୍ଜାମ ଜିଲ୍ଲା ପାଟପୁର ଥାନା ପୋଲିସ ରବିବାର ସନ୍ଧ୍ୟାରେ ପେଟ୍ରୋଲିଙ୍ଗ ବେଳେ ଟ୍ରକରେ ଗଜପତିରୁ ଗଞ୍ଜେଇର ଚୋରା ଚାଲାଣ ହେଉଥିବାର ଖବର ପାଇ ଗାଡି ତାଲାସୀ କରିଥିଲେ l ତାଲାସୀ ସମୟରେ ଗୋଟାଏ ଧୋବାଜା ବୋଝଇ ଟ୍ରକ ଯାହାର ନମ୍ବର BR06GB5508 ଭିତରେ ୧୭ ବସ୍ତା ଗଞ୍ଜେଇ ଲୁଚାଇ ରଖିଥିବା ଦେଖିବାକୁ ପାଇଥିଲେ l ସଙ୍ଗେ ସଙ୍ଗେ ଥାନା ଅଧିକାରୀ ସବ୍ୟସଚ୍ଚି ମଲ୍ଲଙ୍କୁ ଖବର ଦେଇଥିଲେ l ଘଟଣା ପରେ ବ୍ରହ୍ମପୁର ଅରିରିକ୍ତ ଜିଲ୍ଲାପାଳଙ୍କ ନିର୍ଦ୍ଦେଶରେ ସାନଖେମୁଣ୍ଡି ତହସିଲଦାର ଶ୍ରୀନିବାସ ବେହେରାଙ୍କ ଉପସ୍ଥିତିରେ ଜବତ ଗଞ୍ଜେଇକୁ ଓଜନ କରାଯାଇଥିଲା l ସେଥିରେ ୫୮୭ କିଲୋ ୯୦୦ ଗ୍ରାମ ଗଞ୍ଜେଇ ଥିବାର ଜଣା ପଡିଥିଲା l ଯାହାର ବଜାରର ଆନୁମାନିକ ମୂଲ୍ୟ କୋଟି କୋଟି ଟଙ୍କା ହେବ ବୋଲି ସୂଚନା ମିଳିଛି l ଅଭିଯୁକ୍ତ ଡ୍ରାଇଭର ମଧୁସୂଦନ କୁମାର ସିଂକୁ ଗିରଫ କରି ପାଟପୁର ଥାନା କେଶ ନମ୍ବର 462 DTD.24/07/23 U/S 20(b)(ii)(C) of NDPS Act. ଅନୁସାରେ କୋର୍ଟ ଚାଲାଣ କରାଯାଇଥିବା ପୋଲିସ ସୂଚନା ଦେଇଛନ୍ତି ।
