କାଲିମେଳା, 21.7 (ଜିତେନ୍ଦ୍ର ଦାସ) ଲଗାଣ ବର୍ଷରେ ମାଲକାନଗିରି ଜିଲ୍ଲା ର ବିଭିନ୍ନ ସ୍ଥାନରେ ବନ୍ୟା ପରିସ୍ଥିତି ସୃଷ୍ଟି ହୋଇଥିବା ବେଳେ ବର୍ଷା ପରିମାଣ କିଛି ମାତ୍ରା ରେ କମ ହୋଇଛି l ବନ୍ୟା ପାଇଁ ଜିଲ୍ଲା ର ମାଲକାନଗିରି ମୋଟୁ 326 ନମ୍ବର ଜାତୀୟ ରାଜପଥ କାଲିମେଳା ବ୍ଲକ ର ପୋଟେରୁ, କାଙ୍ଗୁରୁକୋଣ୍ଡା, mv 90 ଗୁବୁଲୁର ନାଳ, mv 96 ଏବଂ ପଡିଆ ବ୍ଲକ କୁ ସଂଯୋଗ କରୁଥିବା କନ୍ୟା ଶ୍ରମ ପୋଲ ଉପରୁ ବନ୍ୟା ପାଣି ଖସିବା ପରେ ଏହି ରାସ୍ତା ଦେଇ ଗୁରୁବାର ଯାତାୟତ ସ୍ୱାଭାବିକ ହୋଇଛି l ବୁଧବାର ରାତିରୁ ବର୍ଷା ଧୀରେ ଧୀରେ କମିବା ପରେ ପାଣି ସ୍ତର ମଧ ଖସିଥିଲା l ପୋଲ ଗୁଡିକରୁ ପାଣି ଛାଡିବା ପରେ 2 ଦିନ ଧରି ଅଟକି ରହିଥିବା ଦୂରଗାମୀ ଟ୍ରକ ଏବଂ ଅନ୍ୟନ୍ୟ ଯାନବାହାନ ନିଜ ଗନ୍ତବ୍ୟ ପଥରେ ବାହାରିଥିଲେ l ତେବେ ପୋଲ ଉପରୁ ସିନା ବର୍ଷା ଜଳ କମିଲା ଏବେ ସୁଦ୍ଧା ମଧ୍ୟ ଅଂଚଳରେ ବନ୍ୟା ପରିସ୍ଥିତି ଲାଗି ରହିଚି l ବନ୍ୟା ଯୋଗୁ ବହୁ ଚାଷଜମି ପାଣିରେ ବୁଡି ରହିଥବା ଦେଖିବାକୁ ମିଳିଛି l ସୂଚନା ଅନୁଯାଇ ବିବିନ୍ନ ନଦୀରେ ଜଳସ୍ତର ବୃଦ୍ଧି ପାଇବା ହେତୁ ବ୍ୟାପକ ଚାଷଜମି ଗୁଡିକ ଜଳମଗ୍ନ ହୋଇଛି l ଧାନ ତଳି ଗୁଡିକ ପାଣି ଭିତରେ ବୁଡ଼ି ରହିବା ହେତୁ ଧାନ ଚାଷ ପ୍ରଭାବିତ ହେବା ଆଶଙ୍କା ଦେଖାଦେଇଛି l ଏ ନେଇ ଚାଷୀମାନେ ଚିନ୍ତାରେ ରହିଛନ୍ତି l ସୂଚନା ଅନୁଯାଇ କାଲିମେଳା ରେ 110 ମିମି ବର୍ଷା ରେକର୍ଡ଼ କରାଯାଇଛି l ଗତ 4 ଦିନ ଧରି ଲଗାତାର ବର୍ଷା ହେବା ଫଳରେ କାଲିମେଳା ଅଂଚଳରେ ବନ୍ୟା ପରିସ୍ଥିତି ସୃଷ୍ଟି ହୋଇଥିଲା l ଯାହାଫଳରେ ବିବିନ୍ନ ପୋଲ ଗୁଡିକ ପାଣିରେ ବୁଡି ଯାଇଥିଲା l ପୋଲ ଉପରେ 4 ଫୁଟ ଉଚ୍ଚରେ ପାଣି ଯିବା ଯୋଗୁ ଯାତାୟତ ବନ୍ଦ ହୋଇ ଯାଇଥିଲା l ସୀମାନ୍ତ ମୋଟୁ ପଡିଆ, mv 79 କାଲିମେଳା ସମେତ ଆନ୍ଧ୍ରପ୍ରଦେଶ, ତେଲେଙ୍ଗାନା ଓ ଛତ୍ତିଶଗଡ଼ ରାଜ୍ୟକୁ ଯୋଗାଯୋଗ ବିଛିନ୍ନ ହୋଇଥିଲା l ଏ ନେଇ ଲୋକମାନେ ନାହିଁ ନ ଥିବା ସମସ୍ୟାର ସମ୍ମୁଖୀନ ହୋଇଥିଲେ l
ପୋଲ ଉପରୁ ଖସିଲା ପାଣି, ସ୍ୱାଭାବିକ ହେଲା ଯାତାୟତ, ଏବେବି ଚାଷ ଜମି ଉପରେ ବନ୍ୟାଜଳ, ଚିନ୍ତାରେ ଚାଷୀ
67
- Advertisement -
