କାଲିମେଳା, 20.7 (ଜିତେନ୍ଦ୍ର ଦାସ ) ରାଜ୍ୟରେ ସ୍ରୁଷ୍ଟି ହୋଇଥିବା ଲଘୁଚାପ ବର୍ଷା ଯୋଗୁଁ ମାଲକାନଗିରି ଜିଲ୍ଲା ସମେତ କାଲିମେଳା ବ୍ଲକ ଅଞ୍ଚଳରେ 4 ଦିନ ଧରି ଲଗାଣ ବର୍ଷା ଲାଗି ରହିଛି l ଅତ୍ୟଧିକ ବର୍ଷା ହେବା ଯୋଗୁଁ ଜିଲ୍ଲାର ବିଭିନ୍ନ ନଦୀରେ ଜଳସ୍ତର ବୃଦ୍ଧି ପାଇ ବନ୍ୟା ପରିସ୍ଥିତି ସୃଷ୍ଟି ହୋଇଛି l ବର୍ଷାରେ କାଲିମେଳା ବ୍ଲକ ଆଖପାଖ ରେ ଥିବା ସମସ୍ତ ଛୋଟ ବଡ ନଦୀ ନାଳ ଇଦ୍ୟାଦି ବର୍ଷା ପାଣିରେ ବୁଡି ବନ୍ୟା ପରିସ୍ଥିତି ସୃଷ୍ଟି କରିଛି l ଅତ୍ୟଧିକ ବର୍ଷା ଯୋଗୁ ମାଲକାନଗିରି ରୁ ମୋଟୁ ସଂଯୋଗ କରୁଥିବା 326 ନମ୍ବର ଜାତୀୟ ରାଜପଥ ର କାଙ୍ଗୁରୁକୋଣ୍ଡା ବ୍ରିଜ ପାଣିରେ ବୁଡିଯାଉଥିବା ଦେଖିବାକୁ ମିଳିଛି
ମଙ୍ଗଳବାର ଠାରୁ ଏହି ପୋଲ ଦେଇ ବନ୍ଯାପାଣି ପ୍ରବାହିତ ହେଉଥିବା ଯୋଗୁ ଏହି ରାସ୍ତା ଦେଇ ଯାତାୟତ ଠପ ହୋଇଥିଲା l ବୁଧବାର ସମ୍ପୂର୍ଣ୍ଣ ଯାତାୟତ ବନ୍ଦ ରହିଥିଲା ବ୍ରିଜ ଉପରେ 4 ଫୁଟ ଫୁଟ ଉଚ୍ଚରେ ପାଣି ପ୍ରଭାବିତ ହେଉଥିବା ରୁ ଏହି ରାସ୍ତା ଦେଇ ଯାଉଥିବା ଯାନବାହାନ ଚଳାଚଳ ସମ୍ପୂର୍ଣ୍ଣ ବନ୍ଦ ରହିଥିଲା l lକାଙ୍ଗୁରୁକୋଣ୍ଡା ବ୍ରିଜ ଉଭୟ ପାର୍ଶ୍ଵରେ ସତାଧିକା ଯାନବାହାନ ଅଟକି ରହିଥିବା ଦେଖିବାକୁ ମିଳିଥିଲା l ରାଜ୍ଯ ତଥା ରାଜ୍ଯ ବାହାରୁ ଆସୁଥିବା ବସ ଟ୍ରକ ଆଦି ଗାଡିଗୁଡିକ ଦୀର୍ଘ ସମୟଧରି ଅଟକି ରହିଥିବା ଦେଖିବାକୁ ମିଳିଛି l ସେହିଭଳି ପଟେରୁ ପୋଲ ଉପରେ ବର୍ଷା ପାଣି ପ୍ରବାହିତ ହେଉଥିବା ଦେଖିବାକୁ ମିଳିଛି l ମଙ୍ଗଳବାର ସନ୍ଧ୍ୟା 6 ଟା ରୁ ପଟେରୁ ନଦୀ ପୋଲ ଉପରେ ବନ୍ୟା ପାଣି ପ୍ରବାହିତ ହେବା ଆରମ୍ଭ କରିଥିବା ବେଳେ ରାତି ରେ ପାଣିର ସ୍ରୋତ ଅଧିକ ହୋଇଥିଲା । ଯାହା ଫଳରେ ସନ୍ଧ୍ୟା ଠାରୁ ମାଲକାନଗିରି-କାଲିମେଳା ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇଛି l 326 ନମ୍ବର ଜାତୀୟ ରାଜପଥ ରାସ୍ତାଟି ଓଡିଶା ସୀମାନ୍ତ ଆନ୍ଧ୍ରପ୍ରଦେଶ ଓ ତେଲେଙ୍ଗାନା ରାଜ୍ୟକୁ ସଂଯୋଗ କରୁଥିବା ବେଳେ ଏହି ରାସ୍ତା ଦେଇ ସହ ସହ ଗାଡ଼ି ମୋଟର ଯାତାୟାତ କରିଥାନ୍ତି l ତେବେ ପଟେରୁ ନଦୀ ଉପରେ ବନ୍ୟା ପାଣି ପ୍ରଭାବିତ ହେଉଥିବାରୁ ପ୍ରସାଶନ ପକ୍ଷରୁ ଏହି ରାସ୍ତା ଦେଇ ଯାତାୟତ କରିବା ପାଇଁ ବାରଣ କରାଯାଉଚି l ପଟେରୁ ପୋଲିସ ଘଟଣାସ୍ଥଳରେ ପହଞ୍ଚି ପୋଲ ର ଦୁଇ ପାର୍ଶ୍ଵରେ ଲାଲ ଫିତା ଟାଣି ଲୋକଙ୍କୁ ନ ଯିବା ପାଇଁ ସୂଚନା ଦିଆଯାଉଛି l ସେହିଭଳି mv 90 ଗ୍ରାମ ଠାରେ ଥବା ଗୁବୁଲୁର ନାଳ, ଫାର୍ମ କଲୋନି, mv 96 ପୋଲ ଉପରେ o ମଧ୍ୟ ପାଣି ପ୍ରବାହିତ ହେବାରୁ ସେଠାରେ ମଧ୍ଯ ଯାତାୟତ ବନ୍ଦ ରହିଥିଲା l ତେବେ ବର୍ତମାନ ସୁଦ୍ଧା ବର୍ଷା ଲାଗିରହିଥିବା ବେଳେ ବନ୍ୟା ପାଣି ଅଧିକ ହେବା ଆଶଙ୍କା ଦେଖା ଦେଇଛି l ତେବେ ବିଭିନ୍ନ ପୋଲ ଉପରେ ଜଳ ସ୍ତର ଧୀରେ ଧୀରେ ବୃଦ୍ଧି ପାଇବାରୁ ପ୍ରଶାସନ ତଥା କାଲିମେଳା ଥାନା ପୋଲିସ ଓ ପଟେରୁ ଫାଣ୍ଡି ପୋଲିସ କର୍ମଚାରୀ ମାନେ ସେଠାରେ ପହଁଚି ସୁରକ୍ଷା ଦୃଷ୍ଟିରୁ ବ୍ରିଜ ପାର ନ ହେବାକୁ ଲୋକଙ୍କୁ ବାରଣ କରୁଛନ୍ତି l ବର୍ଷା ଯୋଗୁ ନଦୀ କୁଳିଆ ଅଞ୍ଚଳରେ ବାସ କରୁଥିବା ଲୋକମାନେ ଭୟଭୀତ ହୋଇ ରହିଛନ୍ତି l ସେହିପରି କାଲିମେଳା ରୁ ପଡିଆ କୁ ସଂଯୋଗ କରୁଥିବା କନ୍ୟାଶ୍ରମ ବ୍ରିଜ ମଧ ବନ୍ୟା ପାଣିରେ ବୁଡି ଯାଇଥିବା ଦେଖିବାକୁ ମିଳିଛି l ବ୍ରିଜ ଉପରେ 3 4 ଫୁଟ ପାଣି ପ୍ରଭାବିତ ହେଉଥିବା ବେଳେ ପଡିଆ ବ୍ଲକ ର ବିଭିନ୍ନ ଗାଁ ବିଛିନ୍ନ ହୋଇ ରହିଛି l ବନ୍ୟା କୁ ନଜରରେ ରଖି ଜିଲ୍ଲା ଓ କାଲିମେଳା ପ୍ରସାଶନ ଅଧିକାରୀ ମାନେ ସଜାଗ ରହିଛନ୍ତି l କାଲିମେଳା ତହସିଲଦାର ଚାଇନୁ ଗଣ୍ଡ, ବିଡିଓ ପ୍ରଦୀପ କର ଘଟଣା ସ୍ଥଳ ପରିଦର୍ଶନ କରି ସ୍ଥିତି ଉପରେ ନଜର ରଖିଛନ୍ତି l
