ମହାକାଳପଡ଼ା -୧୧/୧୧ ଉପଖଣ୍ଡ ଅଧିକାରୀ ସାଙ୍ଗକୁ ଦୁଇ ସେକ୍ସନ ଅଫିସର ଅଭାବରୁ ନାହିଁ ନାହିଁ ରେ ଚାଲୁଥିବା ନଦୀତଟ ବନ୍ଧ ଉପଖଣ୍ଡ କର୍ତ୍ତୃପକ୍ଷ ଙ୍କ ଅବହେଳାରୁ ସ୍ଥାନୀୟ ବ୍ଲକ ଅଞ୍ଚଳ ର ପ୍ରମୁଖ ଚିର ସ୍ରୋତା ଗୋବରୀ ନଦୀ କୂଳ ଅସୁରକ୍ଷିତ ହୋଇ ପଡିଛି l କେତେବେଳେ କେଉଁଠି ଅତଡ଼ା ଧସି ଘର ଢ଼ୀହ ନଦୀ ଗର୍ଭରେ ଲୀନ ହେଉଛି ତ ଆଉ କେଉଁଠି ଚାଷ ଜମି ଓ ବଗିଚା ନଦୀ ଗର୍ଭ କୁ ଟାଣି ନେଉଛି l ଉଦାହରଣ ଭାବେ ମହାକାଳପଡ଼ା ନଦୀ ତଟ ବନ୍ଧ ଉପଖଣ୍ଡ ଅଧୀନ ମହାକାଳପଡ଼ା ସେକ୍ସନ ଅନ୍ତର୍ଗତ ସ୍କୁଲ ଘେରି ପାଖ ଚିଙ୍ଗୁଡ଼ି ଘେରି ନିକଟ ରେ ବିରାଟ କାୟ ଅତଡ଼ା ଧସି ବାରୁ ୩ ଗୋଟି ନଡ଼ିଆ ଗଛ ନଦୀ ଗର୍ଭ କୁ ଖସି ପଡିଛି l ଏପରିକି ନଦୀ କୂଳକୁ ଲାଗି ଥିବା ମାଛ ପୋଖରୀ ରୁ ମାଛ ଓ ପାଣି ଶୁଖିଯାଇଥିବାର ଦେଖିବାକୁ ମିଳିଛି l ଅତଡ଼ା ଧସିଥିବା ସ୍ଥାନ ରୁ ଅଧା କିଲୋମିଟର ଦୂରରେ ତଟ ବନ୍ଧ କର୍ତ୍ତୃପକ୍ଷ ଜନବସତି ସୁରକ୍ଷା ନେଇ ନଦୀ କୂଳରେ ପଥର ପ୍ୟାକିଙ୍ଗ କାର୍ଯ୍ୟ ଚଳାଇଛନ୍ତି l ଯାହା ନେଇ ସ୍ଥାନୀୟ ଲୋକ ଓ ଠିକାଦାର ଙ୍କ କାର୍ଯ୍ୟରତ ଶ୍ରମିକ ଙ୍କ ମଧ୍ୟରେ କିଛି ଦିନ ତଳେ ଗଣ୍ଡଗୋଳ ହେତୁ ମାମଲା ଥାନାରେ ଆପୋଷ ସମାଧାନ ହୋଇଥିଲା l ଦାୟିତ୍ୱ ନ୍ୟସ୍ତ ବିଭାଗୀୟ ଅଧିକାରୀ ମାନଙ୍କ ଅଣଦେଖାରୁ ଏଭଳି ଘଟୁଛି ବୋଲି ସ୍ଥାନୀୟ ଲୋକେ କୁହନ୍ତି l ତଟ ବନ୍ଧ କର୍ତ୍ତୃପକ୍ଷ ବିପଦ ସଂକୁଳ ଜାଗା ଚିହ୍ନଟ କରି ଆଗୁଆ ପଦକ୍ଷେପ ଗ୍ରହଣ ନକଲେ ସ୍କୁଲ ଘେରି ଭଳି ଘଟଣା ପୁନରାବୃତ୍ତି ହେବାର ଢେର ଆଶଙ୍କା ରହିଛି l
- Advertisement -
