ପାରଳାଖେମୁଣ୍ଡି:୨୮/୮ ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ଠାରେ ଥିବା ବନଖଣ୍ଡ ଅଧିକାରୀଙ୍କ କାର୍ଯ୍ୟାଳୟର ସମ୍ମିଳନୀ କକ୍ଷ ଠାରେ ଦୁଇ ଦିନିଆ ସ୍ନେକ ହ୍ୟାଣ୍ଡଲିଙ୍ଗ୍ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇ ଯାଇଛି । ବନବିଭାଗ ପକ୍ଷରୁ ବନଖଣ୍ଡ ଅଧିକାରୀ ଏସ.ଆନନ୍ଦଙ୍କ ତତ୍ୱବାଧାନରେ ଏହି ସ୍ନେକ ହ୍ୟାଣ୍ଡଲିଙ୍ଗ୍ ଟ୍ରେନିଙ୍ଗ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି । ଏହି ଅବସରରେ ବିଭିନ୍ନ ବନାଞ୍ଚଳ ତରଫରୁ ଆସିଥିବା ପରିବେଶ ପ୍ରେମୀ ଓ ବନ କର୍ମଚାରୀ ମାନେ ସାପ ଧରିବା ତାର ରକ୍ଷଣାବେକ୍ଷଣ କରିବାର ତାଲିମ ନେଇଥିଲେ । ଏହି ତାଲିମ କାର୍ଯ୍ୟକ୍ରମରେ ଦୁଇ ଜଣ ଟ୍ରେନର ଅତିଥି ଭାବେ ଯୋଗ ଦେଇଥିଲେ । ଏହି ଟ୍ରେନିଙ୍ଗ କାର୍ଯ୍ୟକ୍ରମରେ ବିଭିନ୍ନ ସାପ ଓ ସରୀସୃପ ମାନଙ୍କ ବିଷୟରେ ତଥ୍ୟ ଏବଂ କ୍ଷେତ୍ର ପ୍ରଦର୍ଶନି କରି ସାପ ନିୟତ୍ରଣର ବିଧିମାନ ଉଲ୍ଲେଖ କରାଯାଇଥିଲା । ଏହି ସଭାକୁ ସହକାରୀ ବନ୍ୟ ବନ ସଂରକ୍ଷଣ ଅଧିକାରୀ ଅରୁଣ କୁମାର ସାହୁ ପରିଚାଳନା କରିଥିଲେ । ଏହି କାର୍ଯ୍ୟକ୍ରମ ରେ ସମସ୍ତ ରେଞ୍ଜ ଅଧିକାରୀ ଫରେଷ୍ଟର, ଫରେଷ୍ଟ ଗାର୍ଡ ଓ ଅନ୍ୟ କର୍ମଚାରୀ ମାନେ ମଧ୍ୟ ଉପସ୍ଥିତ ରହି ଟ୍ରେନିଙ୍ଗ ଟି କୁ ସଫଳ ରୂପାୟନ କରିଥିଲେ । ଏହା ଦ୍ବାରା ପାରଳାଖେମୁଣ୍ଡି ବନ ଖଣ୍ତରେ ଆଗାମୀ ଦିନରେ ସାପ ଜନିତ ସମସ୍ୟାର ସମାଧାନ ହେବ ବୋଲି ବୁଦ୍ଧିଜୀବୀଙ୍କ ମହଲରେ ପ୍ରଶଂସା କରାଯାଇଛି ।
