ମାଲକାନଗିରି ଜିଲ୍ଲା କାଲିମେଳା ବ୍ଲକ ଅନ୍ତର୍ଗତ ଭେଜାଙ୍ଗୀୱାର୍ଡl ପଞ୍ଚାୟତ ପରଲୁଗୁଡା ଗ୍ରାମର ଜଣେ 50 ବର୍ଷୀୟ ମହିଳାଙ୍କୁ ଏକ ବିଷଧର ସାପ ଦଂଶନ କରିବା ଯୋଗୁ ଚିକିତ୍ସାଧିନ ଅବସ୍ଥାରେ ମାଲକାନଗିରି ଜିଲ୍ଲା ସ୍ୱାସ୍ଥ୍ୟ କେନ୍ଦ୍ରରେ ମହିଳାଙ୍କ ମୃତ୍ୟୁ ହୋଇଥିବା ଜଣା ପଡିଛି l ସୂଚନା ଅନୁଯାଇ ପାରଲୁଗୁଡା ଗ୍ରାମର ଅର୍ଜୁନ ହନ୍ତାଳ ଙ୍କ ସ୍ତ୍ରୀ ବୁଟୁକି ହନ୍ତାଳ ବୁଧବାର ରାତିରେ ଖାଇସାରି ଘର ଭିତରେ ଶୋଇଥିଲେ l ଏହି ସମୟରେ ଏକ ବିଷଧର ସାପ ତାଙ୍କ ଘର ଭିତରେ ପ୍ରବେଶ କରି ବିଛଣାରେ ଶୋଇଥିବା ମହିଳା ବୁଟୁକି ଙ୍କ ଗୋଡ଼ରେ ଦଂଶନ କରିଥିଲା l ପରେ ମହିଳା ଜଣଙ୍କ ସାପକାମୁଡା ବିଷୟ ରେ ଜାଣିପାରି ପରିବାର ଲୋକଙ୍କୁ ଜଣାଇଥିଲେ l ପରିବାର ଲୋକ ରାତି ପ୍ରାୟ 12 ଟା ସମୟରେ ଆମ୍ବୁଲାନ୍ସ ଡାକି କାଲିମେଳା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର କୁ ଚିକିତ୍ସା ପାଇଁ ଆଣିଥିଲେ l ସେତେବେଳକୁ ମହିଳାଙ୍କ ଅବସ୍ତା ଗୁରୁତର ଥିବାରୁ କାଲିମେଳା ସ୍ୱାସ୍ଥ୍ୟ କେନ୍ଦ୍ରରୁ ତାଙ୍କୁ ଜିଲ୍ଲା ମେଡିକାଲ କୁ ସ୍ଥାନାନ୍ତରିତ କରାଯାଇ ଥିବା ବେଳେ ଗୁରୁବାର ସକାଳ 7 ଟା ସମୟରେ ଚିକିତ୍ସାଧିନ ଅବସ୍ତାରେ ମହିଳାଙ୍କ ମୃତ୍ୟୁ ହୋଇଯାଇଚି l ଏ ନେଇ କାଲିମେଳା ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଚଳାଇଥିବା ଜଣା ପଡିଛି l ମହିଳାଙ୍କ ମୃତ୍ୟୁ ପରେ ଉକ୍ତ ପରଲୁଗୁଡା ଗ୍ରାମ ସମେତ ମହିଳାଙ୍କ ପରିବାର ମଧ୍ୟରେ ଶୋକାକୁଳ ପରିବେଶ ସୃଷ୍ଟି ହୋଇଛି l ଏ ନେଇ ମହିଳାଙ୍କୁ ସରକାରୀ ସହାୟତା ଯୋଗାଇଦେବାକୁ ଦାବି ହୋଇଛି l
- Advertisement -
