ଠପ୍ ମାରିଲା ମଦ ବେପାରୀଙ୍କ କୃତ୍ତିମ ବୁଦ୍ଧି……..

November 02, 2020, ଅପରାଧ, ନୟାଗଡ଼,

ନୂଆଗାଁ-02/11/2020(ଓଡିଶା ଷ୍ଟେଟ ନ୍ୟୁଜ ବ୍ୟୁରୋ) ଓଡ଼ଗାଁ ଥାନା ବାହାଡ଼ାଝୋଲା ଅଞ୍ଚଳରେ ବନବିଭାଗ ଓ ପୋଲିସ୍ ର ଗତ କିଛିମାସ ଧରି ରାତ୍ରି ପାଟ୍ରୋଲିଂ ଜୋର୍‌ଦାର ଧରିଛି । ଯାହାଦ୍ୱାରା କି ଏହି ଦୁଇମାସ ଭିତରେ ଅନେକ କାଠ ଜବତ ହେବା ସହ ଅନେକ ଆସାମୀ ଗିରଫ ଓ ଚୋରୀ ଜିନିଷ କୁ ଜବତ କରାଯାଇଛି । ଗତକାଲି ଓଡ଼ଗାଁ ବନବିଭାଗ ବାହାଡ଼ାଝୋଲା ବିଟ୍ ହାଉସ୍ ଫରେଷ୍ଟର ସରିତା ବରାଳଙ୍କ ନେତୃତ୍ୱରେ କାଠଗାଡ଼ି ଚେକିଂ ଚାଲୁଥିବା ସମୟରେ ବାହାଡ଼ଝୋଲା ଗୁମି ରାସ୍ତାରେ ଅଟୋସହ ଦେଶୀମଦ ନେଇଯାଉଥିବା ଏକ ଅଟୋ ଗାଡ଼ି ସହ ଦୁଇଜଣଙ୍କୁ ଅଟକ ରଖିଥିଲେ । ବନବିଭାଗ ପକ୍ଷରୁ ବାହାଡ଼ଝୋଲା ଫାଣ୍ଡିରେ ସେମାନଙ୍କୁ ହସ୍ତାନ୍ତର କରାଯାଇଥିଲା । ଆଜି ଓଡ଼ଗାଁ ପୋଲିସ ପକ୍ଷରୁ କେସ୍ ନଂ ୨୦୪ରେ ଏକ ମାମଲା ରୁଜୁ କରାଯାଇ ଗିରଫ କରାଯାଇଛି । ଅଟୋସହ ୩୬ ଲିଟର ଦେଶୀମଦ ଜବତ କରାଯାଇ,ଦୁଇ ଜଣ ଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । କିନ୍ତୁ ପୋଲିସ୍ ଓ ବନବିଭାଗର କଡ଼ା ପ୍ରହରା ସତ୍ତ୍ୱେ ଗତ କିଛି ଦିନ ତଳେ ସିଙ୍ଗାରପଲ୍ଲୀ ମା”ପେଟେଇ ଚଣ୍ଡୀ ମନ୍ଦିର ପାଖ ଦୋକାନରୁ ଚୋରୀ ହେବା ଓ ଦିନ ଦ୍ୱିପହରେ ଜୁଆ ଖେଳ ଚାଲିବା ।ନିତିଦିନ ହେଇଗଲାଣି ।ଯାହାଦ୍ୱାରା ଜନ ଅସୋନ୍ତୋଷ ଦେଖା ଯାଉଛି।

---

Back to Previous Page

---

---

<< ପୂର୍ବ ଖବର ପରବର୍ତ୍ତୀ ଖବର >>