ନାଲକୋ ପକ୍ଷରୁ କୋରାପୁଟ ପୋଲିସକୁ ଦୁଇଟି ପିସିଆର ଭ୍ୟାନ ପ୍ରଦାନ

May 14, 2022, ଓଡ଼ିଶା, କୋରାପୁଟ,

ଦାମନଯୋଡି,୧୩/୦୫:- ରାଷ୍ଟ୍ରାୟତ ନବରତ୍ନ କମ୍ପାନୀ ନାଲକୋର କର୍ପୋରେଟ ସାମାଜିକ ଦାୟିତ୍ଵବୋଧ (ସିଏସଆର) କାର୍ଯ୍ୟକ୍ରମ ପ୍ରତି ପ୍ରତିବଦ୍ଧତାର ଅଂଶ ସ୍ବରୂପ ନାଲକୋ ପକ୍ଷରୁ ଶୁକ୍ରବାର କୋରାପୁଟ ଜିଲ୍ଲା ପୋଲିସକୁ ଦୁଇଟି ପିସିଆର ମୋବାଇଲ ଭ୍ୟାନ ପ୍ରଦାନ କରାଯାଇଛି।କୋରାପୁଟ ଆରକ୍ଷୀ ଅଧିକ୍ଷକ(ଏସପି)ବରୁଣ ଗୁଣ୍ଠୁପାଲ୍ଲି ଓ ନାଲକୋର କାର୍ଯ୍ୟନିର୍ବାହୀ ନିର୍ଦ୍ଦେଶକ ସୁଶୀଲ କୁମାର ପାଢ଼ୀ ସବୁଜ ପତାକା ଦେଖାଇ ଏହାର ଉଦଘାଟନ କରିଥିଲେ। ଏସପିଙ୍କ କାର୍ଯ୍ୟାଳୟ ଠାରେ ଅନୁଷ୍ଠିତ କାର୍ଯ୍ୟକ୍ରମରେ ଶ୍ରୀ ପାଢ଼ୀ ଗାଡ଼ିସହିତ ଗାଡିଗୁଡିକର କାଗଜପତ୍ର ଓ ଚାବି ମଧ୍ୟ ପୋଲିସ କର୍ତୃପକ୍ଷଙ୍କୁ ହସ୍ତାନ୍ତର କରିଥିଲେ। ପିସିଆର ମୋବାଇଲ ଭ୍ୟାନ ପ୍ରଦାନବେଳେ ଅତିରିକ୍ତ ଆରକ୍ଷୀ ଅଧିକ୍ଷକ ଉତ୍କଳ କେଶରୀ ଦାସ,ନାଲକୋ ଭାରପ୍ରାପ୍ତ ସମୂହ ମହାପ୍ରବନ୍ଧକ ମଣି ପ୍ରସାଦ ସାମଲ, ମହାପ୍ରବନ୍ଧକ ଅମରେନ୍ଦ୍ର କୁମାର ମିଶ୍ର,ଡିଜିଏମ ସରୋଜ କୁମାର ନାଥ ଓ ବିଛନ୍ଦ ଚରଣ ଦାଶ ଏବଂ ଉପ ପ୍ରବନ୍ଧକ ଅରୁଣ କୁମାର ମହାନ୍ତି ଉପସ୍ଥିତ ଥିଲେ। ଏଥିସହିତ ନାଲକୋ ଇଡି ଶ୍ରୀ ପାଢ଼ୀ ଦକ୍ଷିଣ ପଶ୍ଚିମାଞ୍ଚଳ ପୋଲିସ ଡିଆଇଜି ପଣ୍ଡିତ ରାଜେଶ ଉତ୍ତମରାଓ ଙ୍କୁ ସୌଜନ୍ୟମୂଳକ ସାକ୍ଷାତ କରିଥିଲେ।

---

Back to Previous Page

---

---

<< ପୂର୍ବ ଖବର ପରବର୍ତ୍ତୀ ଖବର >>