OdishaStatenews.com Today : 09-Dec-2022 20:31:07 PM
ଭୁବନେଶ୍ୱର: ୧୨ ଘଣ୍ଟା ଜେରା ପରେ ଇଡି କାର୍ଯ୍ୟାଳୟରୁ ବାହାରିଲେ ବିଧାୟକଙ୍କ ଭାଇ ଗଙ୍ଗାଧର ସାମଲ। କହିଲେ- ଜଗବନ୍ଧୁ ଏକ କାର କିଣିବା ପାଇଁ ବୁକ କରିଥିଲେ। | ଭୁବନେଶ୍ବର: ଅର୍ଚ୍ଚନା ନାଗ ମାମଲାରେ ଆଜି ପୁଣି ଇଡିରେ ହାଜର ହେଲେ ଶ୍ରଦ୍ଧାଞ୍ଜଳି ବେହେରା | ବିଧାନସଭାରେ ଉଠିଲା ଅର୍ଚ୍ଚନା ନାଗ ପ୍ରସଙ୍ଗ। ପ୍ରସଙ୍ଗ ଉଠାଇ ସରକାରଙ୍କୁ ଟାର୍ଗେଟ କଲେ ବିଧାୟକ ନରସିଂହ ମିଶ୍ର। | କେନ୍ଦ୍ରାପଡ଼ା: ସଦର ଥାନା ବାଲିଆ ବଜାରରେ କାର୍ତ୍ତିକେଶ୍ୱର ଭସାଣରେ ବାଣ ଫୁଟି ୨୦ ଆହତ। ୪ ଜଣଙ୍କ ଅବସ୍ଥା ସଂକଟାପନ୍ନ ସୂଚନା। | ଇଡିରୁ ବାହାରିଲେ ଫିଲ୍ମ ପ୍ରଯୋଜକ ଅକ୍ଷୟ ପରିଜା ଓ ଶ୍ରଦ୍ଧାଞ୍ଜଳି ବେହେରା। ୧୨ ଘଣ୍ଟାର ଜେରା ପରେ ଅକ୍ଷୟଙ୍କୁ ଛାଡ଼ିଲା ଇଡି। ଶ୍ରଦ୍ଧାଞ୍ଜଳିଙ୍କୁ ପଚାରିଲା ୧୪ ଘଣ୍ଟା। | ମୃତ୍ୟୁ ସମ୍ବାଦ ଖଣ୍ଡନ କଲେ ପରିବାର; ସ୍ବାସ୍ଥ୍ୟାବସ୍ଥା ଜଟିଳ ଥିବାରୁ ‘ଲାଇଫ୍ ସପୋର୍ଟ’ରେ ଅଛନ୍ତି ଅଭିନେତା ବିକ୍ରମ ଗୋଖ୍‌ଲେ | ଦେବଗଡ଼: ୪୯ ନମ୍ବର ଜାତୀୟ ରାଜପଥର ତିଲେଇବଣି ଛକରେ ଶଗଡ଼କୁ ପଛରୁ ପିଟିଲା ଟ୍ରକ୍, ଚାଷୀ ଦମ୍ପତିଙ୍କ ଘଟଣାସ୍ଥଳରେ ମୃତ୍ୟୁ | ପୁରୀ: ଏସ୍‌ପିଙ୍କ ନାଁରେ ଫେସ୍‌ବୁକ୍‌ ଆକାଉଣ୍ଟ୍ ଖୋଲି ଠକେଇ ଅଭିଯୋଗ। ହୋମଗାର୍ଡ ଚାକିରି କରାଇଦେବାକୁ କହି ଟଙ୍କା ମାଗୁଥିବା ଅଭିଯୋଗ। ସାଇବର ଥାନାରେ ଅଭିଯୋଗ ପରେ ଅଭିଯୁକ୍ତକୁ ବାନ୍ଧିଲା ପୁଲିସ। |

ପାଗଳ ପ୍ରେମିକ କାଟି ଦେଲା ଯୁବତୀଙ୍କ ବେକ

April 27, 2022, ଅପରାଧ, ,


 ପାଗଳ ପ୍ରେମିକ  କାଟି ଦେଲା  ଯୁବତୀଙ୍କ ବେକ
OdishaStateNews Bureau
April 27, 2022


ନୂଆଦିଲ୍ଲୀ: ଏକତରଫା ପ୍ରେମକୁ କେନ୍ଦ୍ର କରି ଏକ ଅଭାବନୀୟ କାଣ୍ଡ ଘଟିଛି । ଏକତରଫା ପ୍ରେମ ନିବେଦନ କରି ବିଫଳ ହେବା ପରେ ଜଣେ ଯୁବକ ସଂପୃକ୍ତ ଯୁବତୀଙ୍କ ତଣ୍ଟି କାଟି ଦେଇଛନ୍ତି । ପୀଡ଼ିତା ଯୁବତୀଙ୍କୁ ଗୁରୁତର ଅବସ୍ଥାରେ ଏସ୍‌ସିବିରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି । ଅଭିଯୁକ୍ତ ଯୁବକକୁ ପୁଲିସ ଧରିଆଣି ଥାନାରେ ଅଟକ ରଖି ପଚରାଉଚରା ଚଳାଇଛି ।
ମିଳିଥିବା ସୂଚନା ଅନୁସାରେ ଜଣେ ଯୁବତୀ ଓ ତାଙ୍କ ପରିବାର ବର୍ଷେ ପୂର୍ବେ ବକ୍ସିବଜାର ବଢ଼େଇ ସାହିରେ ଭଡ଼ାରେ ରହୁଥିଲେ । ତେବେ ସେହି ସାହିର ଶୋଭିତ ମହାରଣା ନାମକ ଯୁବକ ଉକ୍ତ ଯୁବତୀଙ୍କୁ ଏକତରଫା ପ୍ରେମ କରୁଥିଲେ । ଶୋଭିତ ବିବାହିତ ଓ ତା’ର ଦୁଇଟି ପିଲା ମଧ୍ୟ ଅଛି । ଶୋଭିତର ପ୍ରେମ ନିବେଦନକୁ ଯୁବତୀ ଜଣକ ଦୀର୍ଘ ଦିନ ହେବ ପ୍ରତ୍ୟାଖ୍ୟାନ କରି ଆସୁଛନ୍ତି । ଯୁବତୀ ଜଣକ ଦୋଳମୁଣ୍ଡାଇ ଛକ ନିକଟ ଏକ ଡ୍ରେସ୍‌ ଦୋକାନରେ ସେଲ୍ସ ଗାର୍ଲ ଭାବେ କାମ କରନ୍ତି । ଆଜି ସନ୍ଧ୍ୟା ପ୍ରାୟ ସାଢ଼େ ଆଠଟା ହେବ ।


ଯୁବତୀ ଜଣକ ଦୋକାନରେ ଡ୍ୟୁଟି କରୁଥାନ୍ତି । ଏହି ସମୟରେ ଅଭିଯୁକ୍ତ ଶୋଭିତ ସେଠାରେ ପହଞ୍ଚି ପ୍ରଥମେ ଯୁବତୀଙ୍କୁ ଡାକିଥିଲା । ମାତ୍ର ଶୋଭିତର କଥାକୁ ଯୁବତୀ ଜଣକ ଗୁରୁତ୍ୱ ଦେଇନଥିଲେ । ଫଳରେ ଶୋଭିତ୍‌ ଉକ୍ତ ଦୋକାନରେ ପଶି ସୋ’କେସ୍‌ରେ ଲାଗିଥିବା କାଚକୁ ବିଧା ମାରି ଭାଙ୍ଗି ଦେଇଥିଲା । ଆଉ ଉକ୍ତ ଭଙ୍ଗା କାଚରୁ ଖଣ୍ଡେ ନେଇ ଯୁବତୀଙ୍କ ବେକକୁ କାଟି ଦେଇଥିଲା । ଯୁବତୀ ଜଣକ ଗୁରୁତର ଆହତ ହୋଇଥିଲେ । ଏହି ସମୟରେ ଦୋକାନରେ ଉପସ୍ଥିତ ଥିବା ଅନ୍ୟ ସେଲ୍‌ସ୍‌ମ୍ୟାନ୍‌ ଓ ଗ୍ରାହକମାନେ ଅଭିଯୁକ୍ତ ଶୋଭିତ୍‌କୁ ଧରିନେଇ ନିର୍ଧୁମ ଛେଚିଥିଲେ । ତତ୍‌କ୍ଷଣାତ ଦୋକାନର କିଛି କର୍ମଚାରୀ ଆହତ ଯୁବତୀଙ୍କୁ ଉଦ୍ଧାର କରି ଏସ୍‌ସିବି ନେଇଯାଇଥିଲେ । ସେଠାରେ ଯୁବତୀଙ୍କର ଚିକିତ୍ସା ଚାଲିଛି । ତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଛି । ଖବର ପାଇ ବାଦାମବାଡ଼ି ଥାନା ଅଧିକାରୀ ରଶ୍ମୀରଂଜନ ମହାପାତ୍ର ଘଟଣାସ୍ଥଳରେ ପହଞ୍ଚିବାରୁ ଅଭିଯୁକ୍ତ ଶୋଭିତକୁ ସ୍ଥାନୀୟ ଲୋକେ ପୁଲିସ ଜିମା ଦେଇଥିଲେ ।




Back to Previous Page



<< ପୂର୍ବ ଖବର ପରବର୍ତ୍ତୀ ଖବର >>
 ଫିଲ୍ମ ‘ଆଚାର୍ଯ୍ୟ’ ରୁ ହଟାଇ ଦିଆଯାଇଛି କାଜଲଙ୍କ ଭୂମିକା

ଫିଲ୍ମ ‘ଆଚାର୍ଯ୍ୟ’ ରୁ ହଟାଇ ଦିଆଯାଇଛି କାଜଲଙ୍କ ଭୂମିକା
Read More...

 ବିଦ୍ୟୁତ୍ ଆଘାତରେ ୧୧ଜଣ ଜୀବନ୍ତ ଦଗ୍ଧ

ବିଦ୍ୟୁତ୍ ଆଘାତରେ ୧୧ଜଣ ଜୀବନ୍ତ ଦଗ୍ଧ
Read More...

ଆମ ଆଣ୍ଡ୍ରଏଡ୍ ଆପ୍:
ବିଜ୍ଞାପନ :

ସମ୍ବାଦଦାତା ଆବଶ୍ୟକ: Join us as Reporters and post your news in real time...
Register Now!
ପ୍ରତିନିଧି ଲଗ୍ ଇନ୍ :

ଛବିରେ ଖବର : ହନୁମାନ ମନ୍ଦିର ରୁ ଚୋରି
View All Photos

ଦର୍ଶକ ପରିସଂଖ୍ୟାନ :

Free track counters

ବିଜ୍ଞାପନ :
ବିଜ୍ଞାପନ :
ସମ୍ପାଦକଙ୍କୁ ପତ୍ର : 7440076555
©, ସର୍ବସତ୍ତ୍ବ ସଂରକ୍ଷିତ OdishaStateNews.com, 2018
ୱେବ୍ ସଂରଚନା ଓ ନିର୍ମାଣ OdishaStateNews IT Cell